|
Paisaxe
Vida
cotiá
Viaxes
de veciños
|
|
|
Paisaxe
Nace BriónTV, un portal de vídeos sobre o concello
El Correo Gallego
Recolle curtos de Youtube sobre monumentos ou festas, entre outros. O sitio chámase briontv.blogspot.com.
O audiovisual marca tendencias, opinións e supón unha das ventás máis demandadas para coñecer un territorio. E en Brión souberon aproveitarse desta circunstancia poñendo en marcha o portal web, briontv.blogspot.com, co que se pretende "amosar ás excelencias do municipio a todos os internautas a través de videos relacionados" con este territorio de Amaía, apuntan dende o Concello.
A idea do Concello é abranguer todos os ámbitos, dende a cultura ata os deportes, infraestruturas ou vida diaria dos brioneses, di Xullo Mallo, técnico municipal de novas tecnoloxías. A día de onte, o portal contaba cunha selección de doce videos á espera de que cheguen novas achegas de veciños ou calquera internauta decidido. Ademais, e para facilitar o acceso, hai unha entrada na propia páxina web municipal www.concellodebrion.org. Para usar esta plataforma, os interesados só teñen que cubrir un cuestionario existente no blog e cumprir o requisito técnico de que os seus traballos estean previamente colgados en youtube.
Entre as 12 entradas xa dispoñibles hai 4 relacionadas coa paisaxe local (Torres de Altamira, capela de Santa Minia, muíños do municipio e outro de San Xulián de Bastavales); tres sobre deportes (partidos do equipo Bastavales); dous sobre xuventude e a súa viaxe a Valencia; outras dúas de infraestruturas (estado do IES de Viceso e un paseo por a AG-56) e unha de festas.
[Fonte: El Correo Gallego]
Ligazón coa noticia
|
|
|
|
