Presentación
Xestión e administración
O Instituto na memoria
O obradoiro do sabio
Excursións didácticas
Actividades deportivas
Festas e conmemoracións
Vida cotiá no instituto
Revista do instituto
Axenda
Taboleiro de novas
Xogos
Cartas ó director
Asociación de pais e nais
Asociación de ex-alumnos

Ciberinstituto de Viceso
Festas e conmemoracións

Serán de xogos populares no IES de Brión

Casa da Cultura. Concello de Brión

O martes 25 de novembro o IES de Brión organizou un serán co fin de promover entre a comunidade educativa os xogos populares galegos. Os participantes puideron coñecer xogos dos que xa gozaron seus país e avós. A chave, a rá, a mariola… foron algúns destes pasatempos que ocuparon o tempo de lecer de rapaces e rapazas de varias xeracións.

Os xogos populares, como outros elementos culturais da nosa sociedade, teñen unha dimensión lúdica e outra educativa, sendo importantes á hora de fomentar a convivencia e a interrelación persoal dentro dun grupo. Posúen un gran valor socio-cultural que vai máis alá dos aspectos lúdicos que comportan.

Sabedores disto, o equipo de Normalización lingüística do IES de Brión organizou o martes 25 de novembro unha actividade onde os xogos populares convertéronse en protagonistas por unha tarde, coa idea de dalos a coñecer e promovelos entre os alumnos e alumnas do centro.

Xa no pasado curso, co gallo do Magosto do instituto, organizárase unha pequena exposición de xogos e xoguetes tradicionais cedidos polo Museo Etnográfico do concello, que resultou un auténtico éxito, espertando a curiosidade entre alumnos e profesores.

Este curso retomouse esta idea, organizando un serán de xogos tradicionais para difundir entre os alumnos e alumnas o coñecemento dun patrimonio cultural que nas últimas xeracións se estaba a extinguir. Para tal empresa, contouse coa colaboración dun membro da Asociación Galega de Xogos Populares e Tradicionais que amosou a todos os participantes a tipoloxía e finalidade dos xogos populares galegos, parte fundamental dunha herdanza cultural a conservar.

Segundo palabras de Suso Sambade, profesor do Departamento de Lingua galega e Literatura do IES de Brión e coorganizador do evento: “En Brión aínda están vivos moitos xogos nos nenos e nenas das parroquias. Sen embargo, para os rapaces do mundo urbano resulta algo descoñecido, aínda que cheo de interese”

Entre as actividades que se fixeron destacaron o xogo da rá, o xogo da chave (cedidos pola Casa da Cultura de Brión), a mariola, a corda, a pelota de brilé, ou o tres en raia. Pola súa banda, o membro da asociación trouxo aros, o xogo de pescar a botella e os birlos.

A actividade acadou un enorme éxito, polo que, de seguro, volverá a organizarse en sucesivos cursos; pois temos a certeza que serviu para que moitos pequenos e pequenas sacasen o po a algún dos vellos xogos que aínda conservan seus pais nalgún escuro faiado.

Sons [Espera uns segundos para escoitar o son]
- Non hai

Vídeos [Espera uns segundos para ver os vídeos]
- Non hai

Foros relacionados
- Non hai

Persoas relacionadas
- Non hai

Información relacionada

Data	Titulo
14/03/2007	Creatividade a moreas no Antroido do IES Esparís
14/02/2006	San Valentín tamén se celebra no IES Esparís

Envíalla a un amigo
Envíalle esta información a un amigo