Infobrion Correo Electrónico
Imaxes Imaxes
Separador
BrionXbot, o orixinal robot do IES de Brión
 [+]
Sons
- Non hai
Videos
- Non hai
Info Relacionada
- Non hai
Foros Relacionados
- Non hai

Alumnado do IES de Brión acada un novo premio cun orixinal robot

Infobrion.com

Por segundo ano consecutivo alumnado do IES de Brión acadou un galardón no Premio de innovación educativa "Desafíos STEM: Programación, robótica e impresión 3D", convocado pola Consellería de Cultura, Educación e Ordenación Universitaria.

O proxecto "BrionXbot", desenvolvido por alumnas e alumnos de Tecnoloxía Industrial e Debuxo Técnico do centro de secundaria brionés no pasado curso, acadou o 1º premio no Desafío Programación da categoría sénior desta convocatoria. A proposta consistiu no deseño fabricación, programación e control dun robot con patas articuladas inspirado nas esculturas cinéticas do escultor neerlandés Theo Jansen.

O autómata consta de seis patas distribuídas en dous trens, con tres patas cada un, situados nos laterais dun chasis ou corpo. A través dun cegoñal, a rotación do motor move estes mecanismos de tal xeito que os extremos das patas describen unha traxectoria cíclica de avance. O robot está dotado de diversos sensores que lle permiten recoller datos sobre distancias, temperatura, humidade e luminosidade. O uso da tecnoloxía Bluetooth e unha pantalla LCD permiten ler e crear gráficos cos datos obtidos empregando un smartphone ou directamente no robot. Tamén é posible controlar os movementos do robot de modo remoto dende un teléfono móbil grazas a mencionada tecnoloxía inalámbrica.

Este proxecto foi dobremente agraciado, pois xa recibira no mes de xuño o 1º premio no concurso "Sensores 2018" que convoca Igaciencia.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela