Infobrion Correo Electrónico
Imaxes Imaxes
Separador
A profesora Paula Bouzas en Radio EmBrión
 [+]
Sons
- Non hai
Videos
- Non hai
Info Relacionada
- Non hai
Foros Relacionados
- Non hai

Diego Eitor, Paula Bouzas e a alumna viaxeira Elena de los Santos en Radio EmBrión

Infobrion.com

Radio EmBrión afronta o mes de abril con novas propostas, continuando coa habitual liña de programación que caracteriza á emisora en liña do IES de Brión. Coas entrevistas como principal reclamo, a radio do Instituto ten dispoñibles para escoitar no seu blog tres novos programas onde un ex alumno do centro, unha profesora universitaria e unha alumna viaxeira son os protagonistas.

Diego Eitor, un mozo que deixou o IES de Brión no ano 2012, respostou ás preguntas de José Ángel Lois, Mario Cordo e Gabriel Núñez , rapaces que cursan 1º de Bacharelato. Eitor fixo un ciclo de Ed. Infantil e agora estuda Maxisterio, compaxinándoo co seu labor como adestrador do Villestro B na categoría de cadetes.

Dentro do ciclo "Gústame o galego", a radio estudantil do IES de Brión convidou á profesora Paula Bouzas, que exerce a súa docencia na Universidade de Göttingen en Alemaña. Paula, natural de Betanzos, estudou filoloxía galega na USC. Doutorouse en lingüística cunha edición de manuscritos galegos medievais. Na actualidade reside en Heidelberg, Alemaña, onde traballa como profesora na universidade, exercendo como docente de lingüística románica. Na entrevista, preparada por Hugo, Adrián, Jessica, Erica, Raúl, Luís, Hugo, Lucas, Moisés e Benjamín (alumnado de 3º da ESO B) falou da súa enriquecedora experiencia impartindo clases de Galego a alumnado alemán interesado nas nosas lingua e cultura.

Radio EmBrión ten o seu propio programa de viaxes onde, nesta ocasión, un grupo de alumnos e alumnas de 1º da ESO entrevistaron a súa compañeira Elena de los Santos Fabeiro que contou cousas dos países nos que estivo, EEUU, Francia, Alemaña, Portugal e España. Os encargados de preparar o programa foron Noa Vilas, Yara Rial, Antía Cuns, Adela Carril e Iria Viturro.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela