Visita ao parque eólico experimental de Sotavento

O departamento de Tecnoloxía do IES Brión organiza unha visita ao parque experimental de Sotavento para o alumnado de 3º de ESO o día 27 de xaneiro.
Sotavento Galicia, S.A. constitúese no ano 1997 como un Parque Eólico Experimental promovido pola Xunta de Galicia co obxectivo de crear un novo concepto de parque eólico. Coordina a iniciativa privada e a pública nun proxecto onde se representan as tecnoloxías eólicas implantadas en Galicia.
Sotavento Galicia, S.A. está participada por tres entidades públicas que forman o 51% do capital social: INEGA (Instituto Enerxético de Galicia), SODIGA GALICIA S.R.C., S.A., Instituto para la Diversificiación y el Ahorro de la Energía (IDAE), e catro empresas privadas en representación do sector eléctrico de Galicia: (ECYR), Enel Unión Fenosa Renovables, S.A., Iberdrola Energías Renovables de Galicia, S.A. e Energía de Galicia, S.A. (ENGASA).
Sotavento atópase situado en Galicia, concretamente na comarca da "Serra da Loba", a 10 km. ó sur das Pontes de García Rodríguez, entre os termos municipais de Xermade (LUGO) e Monfero (A CORUÑA), e a unha altitude entre 600-700 m. A duración da viaxe, aproximadamente, é dunha hora desde A Coruña, e hora e cuarto desde Santiago de Compostela.
Máis información: www.sotaventogalicia.com