Rosalías da Vida: unha iniciativa contra o cancro uterino da man das Pegadas de Rosalía

O día 26 de marzo, a Casa Museo de Rosalía en Padrón convida a toda a cidadanía a participar nunha xornada a prol da prevención do cancro uterino. Baixo a denominación de "Rosalías da vida", esta programación forma parte do proxecto "As Pegadas de Rosalía", unha iniciativa na que participan os concello de Ames, Brión, Padrón e Santiago, ademais da mencionada institución.

O xornada constará de dúas partes. Unha visita teatralizada a cargo da actriz Mercedes Tarrío Rivas, que se meterá na pel da autora de "Cantares gallegos", acompañada da música de Javier Cedrón (violín) e Margarita Viso (piano). Constará de dous pases, ás 18:00 e ás 19:00 h., e será de balde, aínda que con aforo limitado. A inscrición para asistir á representación poderá realizarse a través de: turismo@padron.gal

A partir das 20:00 h. comezará unha mesa redonda no auditorio da Fundación Casa Rosalía de Castro, aberta de todo o público que desexe participar ata completar o aforo, con relatoras identificadas como "As Rosalías da Vida" que representarán a todas esas mulleres que se senten "un pouco Rosalías".