Infobrion Correo Electrónico
Imaxes Imaxes
<Ant | 2  | Seg>
Separador
O xigante de Elefante Elegante
 [+]
Sons
- Non hai
Videos
- Non hai
Info Relacionada
- Non hai
Foros Relacionados
- Non hai

Marzo despídese con dous espectáculos de animación na biblioteca

Infobrion.com

Na recta final do mes, e dirixidos aos usuarios máis novos, a BPM de Brión presenta dous espectáculos de animación para celebrar outras tantas efemérides.

Co gallo da conmemoración do Día Mundial do Teatro, que terá lugar o luns 27 de marzo, a biblioteca pública municipal convida a toda a familia a participar nun espectáculo a cargo da compañía Elefante Elegante, especialmente dirixido a público infantil de 3 a 8 anos de idade.

Trátase de "O xigante", unha obriña inspirada nun conto de Oscar Wilde que narra unha historia na que conviven o cómico e o poético; a forza da palabra e a elocuencia do xesto; a plasticidade da manipulación dos obxectos e a evolución do dispositivo estenográfico.

O espectáculo terá lugar o luns 27 de marzo ás 18:00 h. na Sala Municipal de Exposicións da Casa da Cultura. A entrada será de balde ata completar aforo.

Para celebrar o Día da Narración Oral que se conmemorou o luns 20 de marzo, a biblioteca municipal de Brión organizará un serán conta contos a cargo de Celtia Figueiras, que presentará o espectáculo de animación "Contos de Inverno".

Este serán forma parte dunha serie de catro divertidas e amenas sesións de conta contos dirixidas ao público infantil para comprender o ciclo da natureza e sentir as estacións na súa plenitude. Neste caso, contos de inverno para despedir a estación que acaba de rematar.

O espectáculo, de aprox. 50 min., celebrarase na Sala de Exposicións Municipal, que fica na primeira planta da Casa da Cultura, o venres 31 de marzo ás 18:00 h., e está dirixido a nenas e nenos de 3 a 9 anos de idade. A entrada será de balde ata completar o aforo.

Ámbalas actividades contan con apoio do programa Ler conta moito da Rede de Bibliotecas de Galicia.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela