Ruta de sendeirismo á beira do Tambre

O sábado 24 de marzo os amantes da natureza e o deporte ao aire libre poderán gozar dunha nova ruta de sendeirismo organizada polo Concello de Brión. Nesta ocasión trátase da Ruta do Tambre, que transcorre polas parroquias de Ons e Viceso en Brión, un itinerario cun percorrido de aproximadamente 14 Km, de dificultade media-baixa.

A saída da marcha será aproximadamente ás 16:30 h., dende a área municipal de piragüismo, en Ponte Insua (Ons),a beira do río Tambre. Os interesados en participar poden inscribirse de balde na Casa da Cultura de Brión, ou ben, chamando ao teléfono 981 50 99 08 (mañás de 9 a 14 h., tardes de 16 a 19 h.).