Ábrese ao tráfico a AG-56 de Santiago a Brión

Este venres día 15 de Febreiro ábrese ao tráfico rodado a nova AG-56, a autovia que unirá a capital galega co concello de Brión.

Logo de que os técnicos da Xunta de Galicia realizasen as últimas comprobacions técnicas e concluísen que o seu estado é óptimo para abrila ao tráfico rodado, a Conselleira de Politica Territorial fixo o anuncio de que esta nova vía abrirase definitivamente o día 15.

Con este anuncio cúmprense os prazos previstos nun principo. A capa de rodadura, a señalización horizontal e as pechaduras, a disposición das pantallas antiruido e as barreiras de seguridade xa están ultimados.

O pundo de partida da AG-56 está na Rocha e enlazará co futuro corredor Brión - Noia, do que recentemente colocábase a primeira pedra, dando así servizo a uns 25.000 vehículos diarios.

Un trazado de 12,6 quilómetros e seis minutos de viaxe desde Compostela
O trazado da nova vía é de 12,6 quilómetros e a velocidade máxima é de 100 quilómetros por hora (80 nos corredores de dous carriles cara ás Galanas e A Rocha), o que permitirá facer a viaxe en seis minutos e beneficiará a 132.000 habitantes.

A estes tres quilómetros hai que engadir tres máis de corredor que a conecta coas Galanas, servindo ademais de circunvalación a Milladoiro. A nova infraestructura ten un custo de 108,8 millóns e inclúe 19 viaductos, así como enlaces para Santiago, Pardiñas, Bertamiráns leste e norte, Brión e a AC-543, ademais dunha rotonda de conexión con Negreira.

A inauguración estará presidida polo presidente da Xunta, Emilio Pérez Touriño, e contará coa asistencia dos alcaldes da comarca.

DATOS XERAIS

PLAN DE ESTRADAS
O treito da estrada pertence á Rede de Alta Capacidade da Xunta de Galicia.

OBXECTO DA ACTUACIÓN
Construción e explotacion dunha autovía entre Santiago e Brión e da conexión mediante o Corredor Pardiñas (AG-56)- As Galanas (N-550).

CARACTERÍSTICAS TÉCNICAS
Lonxitude da autovía: 12.580 m.
Lonxitude do corredor: 3.300 m.

Velocídade específica: 100km/h (Autovía) 80 km/h (Corredor)
Radio horizontal mínimo: 450 m. (Autovía) 300 m. (Corredor)
Inclinación máxima da rasante: 5,26 % (Autovía) 5.82% (Corredor)
Peralte máximo: 8% (Autovía) 6,1% (Corredor)

UNIDADES DE OBRA MÁIS IMPORTANTES

MOVEMENTOS DE TERRAS:
Excavacións: 4.597.951 m3
Terrapléns e recheos: 4.108.864 m3

ESTRUTURAS:
Viadutos: 13 ud
Pasos superiores: 8 ud
Pasos inferiores: 10 ud
Pasos de drenaxe: 9 ud

FIRMES
Chan cemento: 99.216 m3
Mesturas bituminosas: 209.113 tm

ENLACES
Os enlaces proxectados situanse en:

Autovía AG-56
Santiago, Pardiñas, Bertamirans Este, Bertamirans Norte, Brión e AC-543 en Gundín

Corredor
Biduido e As Galanas (N-550)

PRINCIPAIS VIADUTOS

Autovía AG-56
SN-550, Casal, Pardiñas, Sar, Bertamirans Este e Brión

Corredor
Paramuíño e Biduido

INVESTIMENTO: 108.819.254,09€

CONCELLOS AFECTADOS
Santiago de Compostela, Ames, Teo e Brión

POBOACIÓN SERVIDA
Santiago de Compostela: 93.273 hab.
Ames: 18.788 hab.
Brión: 6.437 hab.
Teo: 14.498 hab.
Total: 132.996 hab.

OBXECTIVOS:
Autovía gratuíta para o usuario.
Disminución dos tempos de viaxe.
Aumento da seguridade vial.
Garantía na calidade do servizo.