Novos Valores 2011

O Concello de Brión, co patrocinio da Fundación Feiraco, acaba de convocar unha nova edición do certame de pintura Novos Valores. Nesta oitava convocatoria, os organizadores esperan repetir o éxito de participación acadada en edicións anteriores.

Os premios vanse repartir entre as dúas categorías do concurso, unha destinada a mozos de 14 a 17 anos e outra para maiores de 18. Na primeira categoría haberá un galardón de seiscentos euros e outro de catrocentos. As cantidades aumentan para os artistas maiores de idade, cun primeiro premio de 1.500 euros e outro de mil euros. En total está previsto repartir 3.500 euros entre os gañadores.

As catro obras gañadoras e unha selección de todas as que se presenten conformarán unha exposición que o Concello organizará na Sala de Exposicións da Casa da Cultura e que estará aberta do 17 de febreiro, data na que se coñecerá o fallo do xurado, ata o 16 de marzo de 2012.

O prazo de presentación das obras será dende o día 2 ata o 28 de xaneiro de 2012, no seguinte horario:
• luns a venres: 9 a 14 e 16 a 22 h. (Casa da Cultura/Biblioteca)
• sábados: de 10 a 14 h. (Biblioteca)

As obras poderán ser entregadas persoalmente ou ben remitilas polo medio de transporte que desexen, sempre baixo seu cargo e responsabilidade, no seguinte enderezo:
Casa da Cultura-Concello de Brión,
Carballeira de Santa Minia, nº 5,
Pedrouzos – 15865 Brión (A Coruña).
Teléfono: 981-50.99.08
e-mail: casacultura@concellodebrion.org

As bases do certame poden consultarse premendo na seguinte ligazón.