Infobrion Correo Electrónico

As receitas de Dorinda Beis Lemos

Yolanda García. GIS-T IDEGA. USC

Filloas de óleo

Preparase un amoado co óleo* peneirado da fariña de millo, auga, unha area de sal e un par de ovos. Mesturase todo e a continuación úntase a filloeira cun anaco de touciño, para logo proceder a botar un pouco de dito almoado na filloeira, extender, e cociñar ata conseguila consistencia necesaria.

Filloas

Faise o amoado; para un caldeiro de auga se debe empregar un quilo de fariña de trigo, unha ducia de ovos e somentes unhas areas de sal.
A continuación e unha vez quente a filloeira úntase cun anaco de touciño, e posteriormente se guinda un pouco de amoado na dita filloeira para unha vez dorada a filloa darlle a volta; cando estea dorada de novo sácase para unha fonte. Á filloa pódeselle botar mel, azucre ou enrolalas con nata.

Os callos
Un día antes de facer os callos, póñense a remollo os garavanzos, ó igual cos callos cun pouco de limón.
O día de cociñalos escáldanse os callos mentres os garavanzos póñense a cocer nunha pota ben grande, xa que unha vez escaldados os callos bótanse nesa pota, unha vez feito isto engádeselle condimento de callos,un pouco de pemento doce e picante e un par de chourizos. Cocémoslle un anaco de touciño ou panceta, e si fose necesario machúcase todo o condimento moi ben nun morteiro para proceder a engadirllo aos mesmos callos.


* A fariña máis fina do millo.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela