Infobrion Correo Electrónico
Imaxes Imaxes
<Ant | 2  3  4  | Seg>
Separador
Cabalgata de Reis 2019
 [+]
Sons
- Non hai
Videos
- Non hai
Info Relacionada
- Non hai
Foros Relacionados
- Non hai

Brión recibe un ano máis aos Reis Magos

Infobrion.com

O venres 5 de xaneiro, as SS.MM. os Reis Magos de Oriente recibiron no pavillón polideportivo municipal unha agarimosa e multitudinaria recepción onde autoridades e veciños do Concello de Brión lles deron a benvida ao municipio. O acto iniciouse ás 17:00 h. e prolongouse ata ben entrado o serán. Un ano máis, cabe destacar a gran participación cidadá, coa numerosa presenza de nenos e nenas de todas as idades acompañados polos seus pais e familiares.

José Luís García, alcalde de Brión, foi o encargado de pronunciar o discurso de benvida, en nome de toda a cidadanía, diante de tan ilustres visitantes. A continuación, o rei Melchor dirixiuse ao auditorio para falar en nome das Súas Maxestades de Oriente. O monarca transmitiu agradecemento polo cordial recibimento e pediu moita solidariedade e xenerosidade cara aos demais. Tamén solicitou a pequenos e grandes non perder a curiosidade e a ilusión por aprender para entender mellor as persoas e ao mundo que nos rodea.

De seguido, Melchor, Gaspar e Baltasar ocuparon cadanseu trono, onde rebordaron simpatía e amabilidade para con todos os nenos e adultos que quixeron achegarse a coñecelos. Non faltaron enredos e lambiscadas, que os paxes reais axudaron a distribuír entre os numerosos meniños que se achegaron ata as súas maxestades de Oriente.

En nome da organización da cabalgata, unha vez mais queremos destacar e agradecer a altísima participación cidadá neste tradicional evento. Unha destacada concorrencia, non so conformada por veciños de Brión, senón tamén por público procedente de concellos limítrofes. Moitas grazas a todas e todos por participar e compartir a ilusión da Cabalgata de Reis un ano mais.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela