Magosto 2011

A festa do magosto acode puntual a súa cita cos veciño de Brión. O venres 25 de novembro, a partires das 19:00 horas, a Carballeira de Santa Minia encherase do arrecendo das ricas castañas, o chocolate e os saborosos churros, manxares aos que todos os asistentes estarán convidados.

Pero antes, dende as 17:30 horas, os máis pequenos poderán gozar cun divertido espectáculo de animación a cargo de A Loca-Motora teatro que traerán a Brión o seu “Tenderete da cachifallada”, repleto de incribles historias.

Ao comezar o serán iniciarase o magosto, que estará amenizado polos membros de "Vai de Roda" Asociación de música e baile tradicional de Rianxo, que animarán a festa co seu repertorio de música e danza.

Como ven sendo habitual,tamén haberá unha “pulpería” e transporte para os veciños que queiran utilizalo. Este último será de balde, pero os interesados deberán solicitalo previamente chamando ao Tfno.: 981 88 70 06 para reservar praza, antes do 23 de novembro.