Festa de Entroido en Brión 2013

O Entroido prolóngase en Brión unha semana máis, unha excelente escusa para non gardar os disfraces o Mércores de Cinza e despedir a Don Carnal nunha festa que ano tras ano ten máis seguidores. A pesar do mal tempo, que obrigou a suspender o tradicional desfile, o domingo 17 de febreiro moitos veciños e visitantes acudiron ata o pavillón municipal para asistir ao concurso e posterior baile de disfraces organizado polo Concello de Brión.

Pasadas as 17:00 h. comezou oconcurso de disfraces, que contou unha vez máis coa animación do coñecido presentador de radio e televisión Moncho Lemos. Os encargados de iniciar o espectáculo foron os máis cativos, os nenos e nenas que se presentaron na modalidade infantil, ata 11 anos de idade. A continuación desfilaron os integrantes da categoría xuvenil e adultos individual e parellas, que deron paso aos grupos, comparsas e, por último, ás carrozas.

Tralo remate do concurso, mentres o xurado se retiraba a deliberar, a orquestra Capitol animou o baile de disfraces, que se prolongou durante aproximadamente hora e media, tempo no que o xurado acordou conceder os seguintes premios:

MODALIDADE INFANTIL (ata 11 anos)

1º Premio (vale por 50 € en mat. didáctico): Martín Peteiro Vila “Michael Jackson”

2º Premio (vale por 40 € en mat. didáctico): Mario Cordo Nieto “A esfolla máis sexy da comarca”

3º Premio (vale por 20 € en mat. didáctico): Alberte López Freire “O Silfo, espírito do bosque”

Vales de 6 € para o resto dos participantes da categoría infantil.

MODALIDADE XUVENIL (12-17 anos)
1º Premio (vale por 55 € en mat. didáctico): Pedro Gronzo Aniceto “Un payaso especial”

MODALIDADE ADULTOS INDIVIDUAL(+ 18 anos)

1º Premio (100 €): Juan Carlos Almofrey Míguez “O dulce mariposón”
2º Premio (75 €): Jéssica Rodríguez Piñeiro “A dama das piñas”

MODALIDADE PARELLAS

1º Premio (150 €): Mari Carou Iglesias (e acompañante) “Preparando un xantar de Entroido”
2º Premio (100 €): Rocío María Ferreiro Losa (e acompañante) “Hadascoles”

MODALIDADE GRUPO

1º Premio (200 €): “Alicia no País das Marabillas”
2º Premio (150 €): “Bañeras espumosas”
3º Premio (100 €): “Stylish People”

MODALIDADE COMPARSA

1º Premio (300 €): “El Pollito”
2º Premio (200 €): “Tetris made in Brión”
3º Premio (150 €): “Guisandufos”

MODALIDADE CARROZA

1º Premio (200 €): “Os Pavos Reais”
2º Premio (150 €): “Chafarís”
3º Premio (100 €): “A granxa do pío, pío”


Trala entrega de galardóns, sen dúbida o momento máis emocionante da xornada, o baile de disfraces continuou ao son da orquestra Capitol, que coa súa música pechou un día de intensa diversión, que puxo punto e final por este anos á celebración do Entroido na comarca.

Grazas a todos por participar e parabéns aos gañadores.

Galería de imaxes do Entroido